دنیا کے پہلے جینیاتی طور پر تبدیل شدہ ٹماٹر کی قیمت 68 ڈالر یا 11000 روپے فی کلو سے زیادہ مقرر کی گئی ہے۔ غیر ملکی میڈیا کے مطابق جاپان نے دنیا کا پہلا ٹماٹر تیار کیا ہے جس کے جینوم میں بنیادی تبدیلیاں کرکے اسے مزید بہتر کیا گیا ہے۔ اس ٹماٹر کو 'سسلین رف ہائی گیبا' کا نام دیا گیا ہے۔
ماہرین کا کہنا ہے کہ اس ٹماٹر میں عام ٹماٹروں سے پانچ گنا زیادہ Gamma-Aminobutyric Acid (GABA) ہوتا ہے۔ اس کے علاوہ، GABA کی دیگر اقسام میں اضافہ کیا گیا ہے جو خاص طور پر بلڈ پریشر کو کم کرتے ہیں۔ اس کے بیج Sanatech نامی ایک سٹارٹ اپ نے بنائے ہیں، جو جاپان کی یونیورسٹی سکوبا انٹرنیشنل میں تشکیل دی گئی ہے۔ فی الحال یہ ٹماٹر آن لائن فروخت کیے جا رہے ہیں۔
تحقیق میں ٹماٹر کی جینیاتی ترمیم کی گئی ہے، اور کوئی نیا جین شامل نہیں کیا گیا ہے، لیکن جینیاتی تبدیلی نے ان عوامل کو روکا ہے جو GABA کی نشوونما میں رکاوٹ ہیں۔ کئی مراحل سے گزرنے کے بعد ٹماٹروں میں GABA کی افزائش تیزی سے ہونے لگی۔
سکوبا یونیورسٹی کے ماہرین کا کہنا ہے کہ انہوں نے CRISPR-Cas9 مقبول جینیاتی ایڈیٹنگ ٹیکنالوجی کا استعمال کیا ہے۔ تاہم کئی مراحل سے گزرنے کے بعد اسے تجارتی پیمانے پر تیار اور فروخت کرنے کی اجازت دی گئی ہے۔ تب سے کسانوں نے باقاعدہ کاشت شروع کر دی ہے۔
محققین کا کہنا ہے کہ پہلے صارف نے ٹیکنالوجی کو پوری طرح نہیں سمجھا، لیکن کاشتکاری کے عمل اور دیگر رضاکاروں نے اسے تسلی بخش پایا۔ اب جاپانی محکمہ صحت نے اس کی باقاعدہ فروخت کی منظوری دے دی ہے۔
مکمل مضمون www.dunyanews.tv پر پڑھیں۔